खाजगी व शासकीय आस्थापनांनी 30 जानेवारीपूर्वी त्रैमासिक विवरणपत्र ई-आर 1 (Form ER 1) सादर करावेत | जिल्हा कौशल्य विकास, रोजगार व उद्योजकता मार्गदर्शन केंद्राचे आवाहन
जालना, दि. 02 जानेवारी 2023 : सेवायोजन कार्यालये (रिक्तपदाची सुचना देणे सक्तीचे) कायदा 1959 व त्या अंतर्गत नियमावली 1960 मधील तरतुदी नुसार सार्वजनिक क्षेत्रातील केंद्र व राज्य शासनाची सर्व कार्यालये, अंगिकृत उद्योग/व्यवसाय/महामंडळे, स्थानिक स्वराज्य संस्था, जिल्हा परिषद/पंचायत समिती, महानगरपालिका, नगरपालिका, तसेच खाजगी क्षेत्रातील 25 किंवा अधिक लोक काम करतात अशा सर्व आस्थापना, उद्योग, व्यापार, व्यवसाय, कारखाने यांनी डिसेंबर 2022 या अखेर आपल्या वेतन पटावर असलेल्या सर्व मनुष्यबळाची माहीती त्रैमासिक विवरणपत्र ई – आर 1 (Form ER 1) सोमवार दि.30 जानेवारी 2023 पुर्वी www.rojgar.mahaswayam.gov.in या संकेतस्थळावर ऑनलाईन सादर करणे बंधनकारक आहे. यात कसूर झाल्यास कसूरदार आस्थापनांवर कायदेशीर कारवाई होऊ शकते. तरी जिल्ह्यातील खाजगी व शासकीय आस्थापनांनी डिसेंबर 2022 अखेरचे मनुष्यबळाचे त्रैमासिक विवरणपत्र ई – आर 1 (Form ER 1) सादर करावेत, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त संपत चाटे यांनी केले आहे.
सार्वजनिक क्षेत्रातील केंद्र व राज्य शासनाची सर्व कार्यालये, अंगिकृत उद्योग/व्यवसाय/महामंडळे, स्थानिक स्वराज्य संस्था, जिल्हा परिषद/पंचायत समिती, महानगरपालिका, नगरपालिका, तसेच खाजगी क्षेत्रातील 25 किंवा अधिक लोक काम करतात अशा सर्व आस्थापना, उद्योग, व्यापार, व्यवसाय, कारखान्यांना सेवायोजन कार्यालये (रिक्तपदाची सुचना देणे सक्तीचे) कायदा 1959 व त्या अंतर्गत नियमावली 1960 नुसार त्रैमासिक विवरणरपत्र ई – आर 1 माहे डिसेंबर 2022 तिमाही संपल्यानंतर 30 दिवसाच्या आत (30 जानेवारी 2023 पर्यत) सादर करणे बंधनकारक आहे.
पीएफ खात्याचे केवायसी अपडेट करावे?
याप्रमाणे नियोक्त्यांच्या लॉगीनमध्ये विवरणपत्र www.rojgar.mahaswayam.gov.in या संकेतस्थळावर ऑनलाईन सादर करण्याची सुविधा उपलब्ध आहे. याप्रमाणे नियोक्त्यांची डिसेंबर 2022 या तिमाहीचे विवरणपत्र ई – आर 1 दि. 30 जानेवारी 2023 पर्यंत सादर करावेत. यासाठी www.rojgar.mahaswayam.gov.in संकेतस्थळावर जावून एम्प्लॉयर (लीस्ट अ जॉब) वर क्लीक करुन एम्प्लॉयर लॉगीनमध्ये नियोक्त्यांचा युजर आय डी व पासवर्ड वापरुन लॉगीन करुन ईआर रिपोर्ट मधील ई-आर 1 या ऑप्शनवर क्लिक करुन ऑनलाईन सादर करणे आवश्यक आहे. यासाठी काही तांत्रिक अडचण आल्यास किंवा अधिकच्या सहाय्यासाठी सोमवार ते शुक्रवार रोजी सार्वजनिक सुट्या वगळून सकाळी 10 ते सांयकाळी 6 वाजेपर्यत (02482) 299033 या कार्यालयाच्या दुरध्वनीवर संपर्क करावा. असे सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, जालना यांनी प्रसिध्दीपत्रकाद्वारे कळविले आहे.