निवासी शाळांमध्ये तासिका तत्वावर सहायक शिक्षकांची नियुक्ती; मुलाखत १५ जुलैला
अहिल्यानगर, ९ जुलै २०२५ :सामाजिक न्याय विभागाच्या अधिनस्त अनुसूचित जाती व नवबौद्ध मुला-मुलींसाठी चालविल्या जाणाऱ्या निवासी शाळांमध्ये तासिका तत्वावर सहायक शिक्षकांची नियुक्ती करण्यात येणार आहे. या पदांसाठी मुलाखती दिनांक १५ जुलै २०२५ रोजी सकाळी ११ वाजता घेण्यात येणार असून, इच्छुक पात्र उमेदवारांनी डॉ. बाबासाहेब आंबेडकर सामाजिक न्याय भवन, अहिल्यानगर येथे उपस्थित राहावे, असे आवाहन सहायक आयुक्त, समाजकल्याण विभाग यांनी केले आहे.
रिक्त पदांचा तपशील:
- गायकरवाडी (ता. कर्जत): मराठी, भूगोल व इतिहास (माध्यमिक)
- अरोळेनगर (ता. जामखेड): समाजशास्त्र (माध्यमिक)
- मांडवगण (ता. श्रीगोंदा): हिंदी व समाजशास्त्र (माध्यमिक)
पात्रता:
उमेदवार एम.ए. व बी.एड. अर्हताधारक असावा. निवड प्रक्रियेत फक्त मुलाखतीच्या आधारे उमेदवारांची निवड होणार आहे. मुलाखतीसाठी उमेदवारांनी १५ जुलै २०२५ रोजी सकाळी ११ ते दुपारी २ वाजेच्या दरम्यान वरील ठिकाणी उपस्थित राहणे आवश्यक आहे.
सदर निवड ही पूर्णतः तात्पुरती व तासिका तत्वावर असून, सामाजिक न्याय विभागाच्या शासन निर्णयातील अटी व शर्ती लागू राहतील, असेही स्पष्ट करण्यात आले आहे.
महत्त्वाची सूचना:
उमेदवारांनी मुलाखतीस येताना शैक्षणिक प्रमाणपत्रांची मूळ व झेरॉक्स प्रती, ओळखपत्र, तसेच पासपोर्ट साईझ फोटो घेऊन यावे.
अधिक माहितीकरिता संपर्क:
सहायक आयुक्त, समाजकल्याण विभाग, अहिल्यानगर
(कार्यालयीन वेळातच संपर्क साधावा)
शैक्षणिक सेवेत रुजू होण्याची इच्छित असणाऱ्या पात्र उमेदवारांसाठी ही एक उत्तम संधी आहे.
