मुंबई येथे 51 वी डाक पेंशन अदालत…
कोल्हापूर, दि. 18 (जिमाका): टपाल विभागाच्या निवृत्ती वेतनधारकांसाठी, कुटूंब निवृत्ती वेतनधारकांसाठी 51 वी पेंशन अदालत दि. 19 सप्टेंबर रोजी सकाळी 11 वाजता मुख्य पोस्टमास्तर जनरल, महाराष्ट्र सर्कल, मुंबई येथे आयोजित करण्यात आली आहे, अशी माहिती कोल्हापूर विभागाचे अधीक्षक डाकघर अर्जुन इंगळे यांनी दिली आहे.
निवृत्तीधारकांच्या लाभाशी संबंधित तक्रारी जे टपाल विभागातून निवृत्त झाले आहेत, ज्यांचा सेवेत असताना मृत्यू झाला आहे. टपाल विभाग महाराष्ट्र आणि गोवा राज्याचे निवृत्तीवेतनधारक ज्यांचे 3 महिन्यांच्या आत पूर्तता झालेली नाही अशा प्रकरणांचा डाक पेंशन अदालतमध्ये विचार केला जाईल.
टीबीओपी पेंशन अदालतमध्ये पूर्णपणे कायदेशीर मुद्यांसह प्रकरणे ई वारसा प्रमाणपत्र कल्पित पेंशन टीबीओपी/एमएसीपी पदोन्नती वेतनश्रेणी वाढविणे आणि परिणात्मक बाबींसह शिस्तभंगाच्या आणि डी.पी.सी.च्या पुनरावलोकनासाठी प्रलंबित प्रकरणांचा विचार केला जाणार नाही.
निवृत्तीवेतनधारक दिलेल्या प्रपत्रामध्ये आपल्या अर्जाचे तिप्पट प्रति लेखा अधिकारी/ सचिव पेंशन अदालत मुख्य पोस्टमास्तर जनरल कार्यालय, महाराष्ट्र सर्कल, मुंबई, जीपीओ भवन, दुसरा मजला, मुंबई- 400 001 येथे दि. 22 ऑगस्ट रोजी किंवा त्यापूर्वी वैयक्तिक रुपाने पाठवू शकता. 22 ऑगस्ट नंतर मिळालेल्या अर्जांवर पेंशन अदालतमध्ये विचार करण्यात येणार नाही.
