मोबाइलमध्ये नक्की ठेवा हे ३ ॲप्स!
सरकारी योजनांची माहिती असो किंवा कुठे सरकारी कागदपत्रांद्वारे व्हेरिफिकेशनची आवश्यकता असो, काही मोबाइल अॅप्स अशा कामांसाठी खूपच फायदेशीर ठरतात. हे ॲप्स सरकारी सेवांबद्दलही अपडेट देतात. जाणून घेऊया अशाच ३ ॲप्सबाबत….
१) डिजिलॉकर ॲप
डिजिलॉकर हा डिजिटल इंडिया उपक्रमांतर्गत इलेक्ट्रॉनिक्स आणि आयटी मंत्रालयाचा एक प्रमुख उपक्रम आहे. लोकांची महत्त्वाची कागदपत्रे सुरक्षित ठेवण्यासाठी हे अॅप तयार केले आहे. येथे पॅन कार्ड, आधार कार्ड आणि ड्रायव्हिंग लायसन्स सुरक्षित ठेवता येतात. या अॅपसह वापरकर्त्याला कागदपत्रांची हार्ड कॉपी बाळगण्याची गरज नाही. अशा प्रकारे हे अॅप काम सोपे करते.
२) एम-आधार ॲप
बँकांसह अनेक सरकारी कार्यालयांमध्ये कामासाठी आधार कार्ड आवश्यक आहे. अनेक प्रकरणांमध्ये एम- आधारदेखील वैध आहे. या अॅपच्या मदतीने युजर्स आधार कार्डची डिजिटल कॉपी मिळवू शकतात आणि ती सेव्ह करु शकतात. याच्या मदतीने आधार अपडेटही करता येईल. हे अॅप अनेक भाषांमध्ये उपलब्ध आहे.
३) उमंग ॲप
याच्या मदतीने, पीएफ बॅलेन्स तपासण्यापासून पॅन कार्डसाठी अर्ज करण्यापर्यंतची कामे करता येतात. याशिवाय गॅस बुकिंग, वीज आणि पाण्याची बिले जमा करणे यासह १२०० हून अधिक सरकारी सुविधांचा लाभ तुम्ही घेऊ शकता. हे अॅप पंतप्रधान नरेंद्र मोदी यांनी २०१७ मध्ये लॉन्च केले होते.
