उपविभागीय कृषी अधिकारी वाई कार्यालयामार्फत एकात्मिक फलोत्पादन विकास अभियानांतर्गत…शेतकऱ्यांचे प्रत्यक्ष शेतावरील प्रक्षेत्र प्रशिक्षण कार्यक्रम आयोजन
एकात्मिक फलोत्पादन विकास 2021-22 अभियानांतर्गत शेतकऱ्यांचे प्रत्यक्ष शेतावरील प्रक्षेत्र प्रशिक्षण कार्यक्रम आयोजित करण्यात येत असल्याचे उपविभागीय कृषि अधिकारी, वाई यांनी कळविले आहे.
या प्रशिक्षणामध्ये फळबाग,भाजीपाला, फुले लागवड, फळबाग व्यवस्थापन, काटेकोर शेती व्यवस्थापन, एकात्मिक किड-रोग व्यवस्थापन, काढणी पश्चात व्यवस्थापन,कृषी पर्यटन बाबत पश्चिम महाराष्ट्र, कोकण विभागातील कृषी संशोधन संस्था, कृषी विज्ञान केंद्र, कृषी विद्यापीठे, प्रगतशील शेतकरी यांच्या प्रक्षेत्रावर भेटीचे नियोजित करण्यात आले आहे. वाई उपविभागातील वाई, जावली, खंडाळा, महाबळेश्वर या तालुक्यांसाठी प्रति तालुका दहा शेतकरी प्रमाणे लक्षांक प्राप्त आहे.
तरी जास्तीत जास्त शेतकऱ्यांनी या प्रशिक्षण कार्यक्रमासाठी तालुका कृषी अधिकारी कार्यालयात दि. 25 नोव्हेंबर 2021 पर्यत अर्ज भरुन प्रशिक्षणाचा लाभ घ्यावा. अधिक माहितीसाठी आपल्या गावचे कृषी सहाय्यक, कृषी पर्यवेक्षक, मंडळ कृषी अधिकारी, तालुका कृषी अधिकारी यांच्या संपर्क करण्याचे आवाहन उपविभागीय कृषि अधिकारी, वाई यांनी केले आहे.
