श्रीरामपूर २४तास

Ahilyanagar-Manmad Road Traffic Diverted: अहिल्यानगर-मनमाड महामार्गावरील अवजड वाहतूक आज वळवली; ‘हे’ आहेत पर्यायी मार्ग

Ahilyanagar-Manmad Road Traffic Diverted: अहिल्यानगर-मनमाड महामार्गावरील अवजड वाहतूक आज वळवली; ‘हे’ आहेत पर्यायी मार्ग

अहिल्यानगर:

अहिल्यानगर ते मनमाड महामार्गावरून प्रवास करणाऱ्या वाहनधारकांसाठी एक महत्त्वाची बातमी आहे. व्ही.व्ही.आय.पी. (VVIP) दौरा आणि रस्त्यावरील उड्डाणपुलाच्या कामामुळे आज, २३ मे २०२६ रोजी सकाळी ०६:०० वाजेपासून ते रात्री २३:०० वाजेपर्यंत (११:०० वाजेपर्यंत) या मार्गावरील अवजड वाहतूक बंद करण्यात आली असून ती पर्यायी मार्गाने वळवण्याचा निर्णय प्रशासनाने घेतला आहे.

वाहतूक वळवण्यामागचे कारण काय?

आज केंद्रीय संरक्षण मंत्री राजनाथ सिंह, महाराष्ट्राचे मुख्यमंत्री देवेंद्र फडणवीस आणि इतर मंत्री महोदयांचा शिर्डी आणि कोपरगाव परिसरात नियोजित दौरा आहे. यादरम्यान ते कोपरगाव तालुक्यातील सोनेवाडी एम.आय.डी.सी. मधील ‘मे. ग्लोब फोर्ब्स लिमिटेड’ कंपनीचे उद्घाटन तसेच शिर्डी येथील श्री साईबाबा समाधी मंदिरात दर्शन घेणार आहेत.

या व्ही.व्ही.आय.पी. मुव्हमेंटसोबतच, सध्या या महामार्गावरील सावळी विहीर (ता. राहता) या गावामध्ये ओव्हर ब्रिज (उड्डाणपूल) आणि रस्ता दुरुस्तीचे काम सुरू आहे. त्यामुळे या मार्गावर मोठ्या प्रमाणावर वाहतूक कोंडी होण्याची शक्यता लक्षात घेता, कायदा व सुव्यवस्थेचा प्रश्न निर्माण होऊ नये म्हणून पोलीस प्रशासनाने अवजड वाहतुकीच्या मार्गात बदल केला आहे.

महत्त्वाची नोंद: हा आदेश शासकीय वाहने, रुग्णवाहिका (Ambulance), अग्निशामक दल (Fire Brigade) आणि स्थानिक प्रशासनाने अत्यावश्यक कारणास्तव परवानगी दिलेल्या वाहनांना लागू असणार नाही.

अवजड वाहनांसाठी ‘हे’ आहेत पर्यायी मार्ग (Alternate Routes)

अहिल्यानगर शहर वाहतूक नियंत्रण शाखेने अवजड वाहनांसाठी खालीलप्रमाणे पर्यायी मार्ग निश्चित केले आहेत:

१. अहिल्यानगरकडून राहूरी, शिर्डी, मनमाड, मालेगाव, धुळेकडे जाणाऱ्या वाहनांसाठी:

या मार्गावरील वाहने खालील रूटने आपल्या इच्छित स्थळी जातील:

• विळद सर्कल -} दुध डेअरी चौक -} शेंडी बायपास -} नेवासा फाटा -} कायगाव टोके -} गंगापूर -} वैजापूर मार्ग.

२. मनमाडकडून कोपरगाव, शिर्डी, राहूरी मार्गे अहिल्यानगरकडे येणाऱ्या वाहनांसाठी:

मनमाड बाजूकडून अहिल्यानगरकडे येणारी अवजड वाहने या मार्गाचा वापर करतील:

• पुणतांबा -} झगडे फाटा -} तळेगाव दिघे -} लोणी -} कोल्हार -} राहूरी मार्ग.

पोलीस प्रशासनाचे नागरिकांना आवाहन

अहिल्यानगरचे माननीय पोलीस अधीक्षक आणि शहर वाहतूक नियंत्रण शाखेचे पोलीस निरीक्षक यांच्या वतीने या संदर्भात अधिकृत आदेश जारी करण्यात आले आहेत. वाहतुकीचा कोणताही खोळंबा होऊ नये आणि कायदा व सुव्यवस्था अबाधित राहावी, यासाठी सर्व नागरिक, चालक आणि वाहतूकदारांनी पोलीस प्रशासनाला सहकार्य करावे, असे आवाहन करण्यात आले आहे.