नगर मनपा हद्दीमध्ये खाजगी व नोंदणीकृत रुग्णालयांकडील ४० टक्के बेड्स कोरोना साठी आरक्षीत

Published On: August 14, 2020 3:32 am

अहमदनगर मनपा हद्दीमध्ये खाजगी व नोंदणीकृत रुग्णालयांकडील ४० टक्के बेड्स कोरोना साठी आरक्षीत || Nagar Munciple Corporation Reserve 40 % Beds from Private & Register Hospital for Corona

अहमदनगर मनपा हद्दीमध्ये खाजगी व नोंदणीकृत रुग्णालयांकडील ४० टक्के बेड्स कोरोना साठी आरक्षीत || Nagar Municiple Corporation Reserve 40 % Beds from Private & Register Hospital for Corona

अहमदनगर मनपा हद्दीमध्ये संभाव्य कोरोना रुग्णांच्या संख्येत होणारी वाढ विचारात घेता खाजगी व नोंदणीकृत रुग्णालयांकडील ४० टक्के बेड्स आरक्षीत करून त्याठिकाणी कोविड हॉस्पीटल (DCH) कार्यान्वीत करुन रुग्णांवर उपचार करण्याचे नगर जिल्हाधिकारी राहुल व्दिवेदी यांचे आदेश.

सदरील आदेश पुढीप्रमाणे :

अहमदनगर दि. 13/08/2020

ज्याअर्थी, संदर्भ क्रमांक 4 चे अधिसूचनेनुसार या कार्यालयाकडील संदर्भ क्र.6 चे आदेशान्वये जिल्हयातील कोवीड-19 बाधीत रुग्णांना वाजवी दरात उपचार मिळण्यासाठी खाजगी रुग्णालयांनी विविध उपचारांसाठी (कोवीड बाधीत व इतर रुग्ण) आकारावयाचे कमाल दर मर्यादा निश्चित करून देण्यात आलेली आहे. तसेच खाजगी रुग्णालयांनी खाटा उपलब्ध करून देणेबाबत निर्देश देण्यात आलेले आहेत. तसेच संदर्भ क्र. 5 अन्वये कोवीड-19 प्रादुर्भावाच्या पार्श्वभुमीवर महात्मा ज्योतिबा फुले जन आरोग्य योजना राज्यातील सर्व नागरिकांना लागू करण्यात आलेली आहे.

ज्याअर्थी, सदयस्थितीत अहमदनगर जिल्हयामध्ये कोरोना बाधीत रुग्णांची संख्या वाढत असून महानगरपालिका हद्दीमध्ये दैनंदिनरित्या रुग्णांच्या संख्येत मोठया प्रमाणावर वाढ होत आहे. महानगरपालिका हद्दीमध्ये विविध सार्वजनिक व खाजगी ccc, DCHC व DCH सुरु करण्यात आले असून त्याठिकाणी कोरोना बाधीत रुग्णांना दाखल करून उपचार करण्यात येत आहेत. संदर्भ क्र.9 व 10 अन्वये अहमदनगर महानगरपालीका हद्दीमधील विविध खाजगी व नोंदणीकृत रुग्णालयांकडे कोव्हीड बाधीत रुग्णांसाठी उपलब्ध करुन देण्यात येणा-या बेड्स ची माहिती मागविण्यात आलेली होती.

ज्याअर्थी, अहमदनगर महानगरपालिका हद्दीमध्ये संभाव्य कोरोना रुग्णांच्या संख्येत होणारी वाढ विचारात घेता कोरोना बाधीत रुग्णांवर उपचाराच्या सोयीकरीता खाजगी व नोंदणीकृत रुग्णालयांकडील बेड्स आरक्षीत करुन त्याठिकाणी DCH कार्यान्वीत करुन रुग्णालयाकडील डॉक्टर्स, नर्सिंग स्टाफ, व इतर अधिकारी व कर्मचारी तसेच रुग्णालयातील जीवरक्षक प्रणालीसाठी आवश्यक साधनसामग्रीव्दारे कोरोना बाधीत रुग्णांवर उपचार करणे आवश्यक आहे.

त्याअर्थी, मी जिल्हाधिकारी अहमदनगर मला आपत्ती व्यवस्थापन कायदा 2005 मधील कलम 65 व साथ रोग अधिनियम 1897 अन्वये निर्गमित करण्यात आलेली अधिसूचना व नियमावलीमधील तरतुदीनुसार तसेच संदर्भ क्रमांक 4 अन्वये मला प्राप्त झालेल्या अधिकारानुसार अहमदनगर महानगरपालीका हद्दीतील खालील प्रमाणे खाजगी व नोंदणीकृत रुग्णालयांना त्यांचेकडील कमीतकमी 40% बेड्स आरक्षीत करुन त्याठिकाणी DCH कार्यान्वीत करणे.